أخر المواضيع عن الجن
Loading...

إبليس هيكون حمايا ( الجزء الثاني)

إبليس هيكون حمايا ( الجزء الثاني)


الجزء الثاني من قصه " ابليس هيكون حمايا " 
بقلم معجب الصفحة يوسف أخنينيش
مقابلة مع زوجتى وحمايا
اهلا بيكم اصدقائى انتهيت معاكو المره الى فاتت بحفلة التتويج الى حصلتلى فى الحمام وجوازى من بنت ابليس ووصلنا للشيخ الى اخدتنى ليه جدتى كان اسمه الشيخ مش فاكر اسمه دلوقتى المهم ده شيخ معروف اوى فى الشرقيه تانى يوم اخدتنى جدتى فى عربيه وانطلقنا للشرقيه وقالت لامى انها رايحه تزور حد من قرايبها المهم بعد معاناه سمحت امى ليها انى اروح معاها طول مكنا فى الطريق انا حسيت بدوخه غريبه جتلى فجاه عاوز انام بشكل صعب معى انى كنت نايم وقايم فايق ومش محتاج انام فركنت على الكرسى ونمت وقلت لجدتى لما نوصل صحينى اول مغمضت عنيا حسيت زى ميكون عينى ولعت نار فحاولت انام معرفتش فقلت انا هقوم وخلاص اشغل اغنيه ولا بتاع اسمعها قمت ويارتنى مقمت
انا فى العربيه فعلا بس الى معايا مش جدتى والسواق والراجل الى كان معاه الى عارف طريق الشيخ وواخدنا ليه الى كان معايا جمبى على اليمين بنت فى منتهى الجمال جميله بشكل لا يوصف بس عنيها مش شكل عيون البشر دى مستطيله شويه بس ماشيه مع وشها جميله بجد وجمبى الناحيه التانيه يالهوى ده الى كان واقف جمبى وانا فى حفلة التتويج بشكله البشع عيونه الى طالع منها النار والحواجبه العريضه الى لازقه فى بعضها واسنانه الى تكاد هتوصل لاخر رقبته انا اتفزعت وكنت عاوز انط من العربيه وفضلت اتنطط وعاوز ارخج فلقيته مسكنى وسبتنى وبصلى وهوا بيضحك ايوا وهوا بيضحك وقلى مولاى احب اقدملك زوجتك والى هتشاركك بقية حياتك انا سمعت الكلام فى الاول من غير وعى بعديها فهمت يعنى الى جمبى دى زوجتى
يعنى الى جمبى دى تبقى
يالهوى الى جمبى دى بنت ابليس دى مراتى
انا عنيا اتفتحت وبرقت ودموع الفزع متجمده مش عارف اصرخ ولا اخرجها وانتبهت ان فيه واحد قاعد قدام مبصش للى بحصل خالص بس جسمه كبير شويه وراسه كبيره كمان ولقيته بكل هدوء ومن غير ميبص وهوا بيتكلم فضل باصص قدامه وقال بصوت مفزع حسيت انه دوى فى الهوا حتى من حواليا قالى انا كدا ملكتك بنتى انت عارف لو يوم زعلت منك
انت عارف لو يوم عصيت ليها امر
انت عارف لو يوم بصيت لغيرها بنظرة اعجاب انا ممكن اعمل ايه
انما لو معملتش كل ده هيكون ليك قوه عظيمه وهتقدر تحقق كل الى بتتمناه ومحدش هيقدر يقف قدامك وهتكون من المقربين ليا
بيقول ايه ده استنى
بنتك
عرش
مقربين
يعنى سياتك تبقى
سعتها انا محستش بنفسى غير وجدتى والسواق والراجل الى معاهم بيحاولو يصحونى فوق فوق فقمت بقولهم فيه ايه جدتى قلتلى انت قعدت تتكلم بلغه غير مفهومه وتتنطط وعاوز تخرج من الشباك والعربيه ماشيه فيه ايه فدموعى نزلت بجد فى اللحظه دى بغزاره وبدات احكى الى حصل بالنسبه لجدتى واراجل الى كان واخدنا للشيخ كان عادى الى انا بحكيه احنا كدا كدا رايحين ليه
انما السواق بقا حلف طلاق بالتلاته منا مكمل شوفو سواق غيرى ونزلنا من العربيه جدتى احتايلت عليه مفيش عربيه هتقف لينا هنا طب رجعنا طب عشان طب عشان مفيش فايده قمت باصص ليه وقلتله يعنى ده اخر كلام عندك مش هتوصلنا انت متاكد من كلامك
السواق بصلى زى ميكون بيبص لاسد وهوا لواحده ولقيته قعد يبكى وعاوز يوطى يبوس رجلى ابوس رجلك انا عندى عيال ابوس رجلك انا عاوز اعيش ابوس ابوس ابوس الصراحه صعب عليا قمت مقومه وقلتله طب وصلنا لاول الشرقيه وارجع انت واحنا هنتصرف واحنا رجعين فوافق وكملنا الطريق وصلنا لاول الشرقيه ونزلنا وجدتى طلعت فلوس للسواق والله مبص فيها اخدها وطار بس قبل ميمشى قلى ابوس رجلك سامحنى قلتله كمل ياعم ارجع لبيتك وعيالك ربنا يسهلك طب هنركب ايه لبيت الشيخ المهم استنينا كتير فقمت بعلو صوتى بعد زهق يوووه مش هنوصل لبيت الشيخ ده ولا ايه انا عاوز بيت الشيخ ده هوا فين فى لحظه لقيت الراجل الى معانا بيقول بيت الشيخ اهو ازاى وصلنا هنا احنا مكناش هنا وقام باصص ليا بصه غريبه زى ميكون بيسالنى انت مين واحنا طالعين البيت لقيت راجل دقنه واصله لصدره وتحت عيونه اسود اوى وجسمه ضخم شويه ولابس عبايه سوده واقف على السلم وقبل منتكلم كلمه لقيته بيبصلى وبيقلى اهلا بيك شرفت انا كنت مستنيك من زمان من اكتر من 20 سنه انت فين يا راجل ولقيننا الراجل الى معانا بيقول اقدملكم شيخنا وكبيرنا الشيخ
كساب